ثانیہ مرزا مسلسل دوسرے سال بنی نمبر ون

ہندوستان کی اسٹار ٹینس کھلاڑی ثانیہ مرزا ڈبلیوٹی اے فائنلس میں اپنے خطاب کا دفاع تو نہیں کر سکیں لیکن وہ مسلسل دوسری مرتبہ سال کا اختتام دنیا کی نمبر ایک خاتون ڈبلز کھلاڑی کے طور پر کریں گی۔ ثانیہ اور سوئزرلینڈ کی مارٹینا هنگس کی جوڑی ڈبلیوٹی اے فائنلس کے سیمی فائنل میں شکست کھا گئی تھیں جس سے وہ سال کے



آخری ڈبلیوٹی اے ٹورنامنٹ میں اپنے خطاب کا دفاع نہیں کر سکی تھیں لیکن ڈبلیوٹی اے کی رینکنگ میں وہ چوٹی پر برقرار ہیں اور مسلسل دوسرے سال خواتین ڈبلز کی رینکنگ میں بطور نمبر ون ٹینس کھلاڑی سال کا اختتام کریں گی۔ سابق چیمپئن ثانیہ اور هنگس سیمی فائنل میں کیتھرین ماکارووا اور ایلينا ویسنينا کی جوڑی سے ہار گئی تھیں۔